(1926¿) La barra de la ría de Villaviciosa
Entre la mar y la ría tendida,
la so melena xentil desgreñada,
toa cubierta de de risa y d´espuma,
ta día y nuiche cantando la barra.
Ensín parar da a los vientos so cancíu,
ensín parar el so cuerpo retuerce;
al piescador qu´en so barca s´acerca
comu a un ñeñecu na cuna lu mece.
Oh, cuánta nuiche a mio lechu´l so canciu
vieno a falame d´amor y esperanza;
que d´illusiones vertió nel mio oíu
fasta qu´l suañu rendía mio alma.
Entre la mar y la ría ta siempre,
siempre da´l vientu´l so canciu sonoru;
más llonxe d´illa, no pueo escuchala,
llonxe, mui llonxe, so canció non oyo.
Cuando na nuiche a míos güeyos ardientes
non viene´l suañu pensando na patria,
cuando a míos güeyos, igual qu´un lluceru
en negra nuiche s´asoma una llágrima
en vanu aguzo´l mío oíu antroxando
so allegre cantu ascuchar tres los mares,
y ansina escurro: ¡Feliz, si podiera
so canció´l suañu ista nuiche arrullame!
Toa cubierta d´espuma qu´e risa.
cande doncella, ta siempre la barra
de día y de nuiche, cantando melguera,
ente la ría y la mar recostada.